चितवन । रसुवाको भोटेकोशी नदीमा आएको बाढीले बगाएर ल्याएको शवबाट सुनको मुन्द्रा निकालिएको भिडियो सामाजिक सञ्जालमा सार्वजनिक भएपछि चितवन प्रहरीले दुई जनालाई पक्राउ गरेको छ।
Advertisement
पक्राउ पर्नेमा २५ वर्षीय मदन गुरुङ र ३८ वर्षीय उमेश चौधरी रहेका छन्। भिडियोका आधारमा उनीहरूको पहिचान गरी बुधबार पक्राउ गरिएको जिल्ला प्रहरी कार्यालय चितवनले जनाएको छ। घटनाबारे थप अनुसन्धान भइरहेको प्रहरीले जनाएको छ।
त्रिशूली–नारायणी नदीकिनारमा बाढीपछि शव फेला पर्ने क्रम जारी रहेकाले शवको सम्मान, पहिचान तथा प्रमाण संरक्षणमा प्रहरीले विशेष ध्यान दिइरहेको जनाएको छ।
