भारतले सीमा मिच्यो, कालापानी खाएर,
नेपालले मिच्यो भन्छ बालेन आएर ।।३।।
दाबी गरी आन्दोलन वर्षौँदेखि गरायौँ,
हाम्रो भन्ने मुद्दा अब कमजोर गरायो ।।३।।

यो सरकार कठपुतली अमेरिकाले बनायो,
नबुझेर जनताले भोट खनायो ।।३।।
युथ काउन्सिल गठन गरी मेयर पदमा पुर्‍यायो,
गोटी बनाई अमेरिकाले प्रयोग गरायो ।।३।।

नेपालभरि आगो लगाए, देश कमजोर गराउन,
बालेन आए अमेरिकालाई खुसी बनाउन ।।३।।
सुकुम्बासी गरिबलाई घर भत्काई लखेटे,
टीओबीका नाइकेलाई मन्त्री बनाए ।।३।।

भ्रम पारे जनतालाई, चुपचाप भने—घण्टी छाप,
यति छिट्टै जनतालाई भयो पश्चात्ताप ।।३।।
पुरानालाई धिक्कार्दै थिए, चुपचाप अरे—घण्टी छाप,
रास्वपालाई सुरुदेखि अमेरिकाको साथ ।।३।।

तावामा माछोलाई भुङ्ग्रोमा नहाल्नु,
अमूल्य छ हाम्रो भोट, खेर नफाल्नु ।।३।।
भनेकै हो मसालले जनतालाई तारन्तार,
नबुझेर दुःख पायो देशले बारम्बार ।।३।।

पहिलेका सरकारहरूले गल्ती गरेकै हुन्,
अहिलेका सरकारमा झन् खराब छन् ।।३।।
देशभक्त, दूरदर्शी एउटा पार्टी मसाल,
भ्रष्टाचारलाई फालेर थिति बसाल ।।५।।