काठमाडौँ । छिट्टै प्रथम राष्ट्रिय सम्मेलन गर्ने निर्णय गर्दै अखिल नेपाल बुद्धिजीवी सङ्घको राष्ट्रिय भेला सम्पन्न भएको छ । २०८३ साउन २९ गते शुक्रबार साँझ भर्चुअल माध्यमबाट सो कार्यक्रम सम्पन्न भएको हो ।
सङ्घका अध्यक्ष प्राडा श्रीधर गौतमको अध्यक्षता तथा समीर सिंहको सञ्चालनमा अघि बढेको उक्त भेलामा उपस्थित सहभागीलाई भोला ढकालले स्वागत गर्नुभएको थियो ।
भेलालाई साउदी अरब नेपाली एकता समाजका अध्यक्ष खुमिराम भण्डारी, मूल प्रवाह अखिल भारत नेपाली एकता समाजका केन्द्रीय सदस्य धर्मराज शर्मा, प्रगतिशील पत्रकार सङ्घका महासचिव प्रकाश थापामगर, रक्तिम सांस्कृतिक अभियानका केन्द्रीय सदस्य दीपनारायण गोले, सिर्जना डबलीका उपाध्यक्ष जगत् रेग्मी र अखिल नेपाल युवक सङ्घका केन्द्रीय कोषाध्यक्ष कमल पौडेलले शुभकामना दिनुभएको थियो ।
भेलामा सङ्गठनको अवस्थाबारेको छलफलमा भरत भण्डारी, लीलाबहादुर केसी, रामदेव पाण्डे, तारामणि न्यौपाने, वैरागी जेठालगायत सहभागी हुनुभएको थियो ।
भेलाले केन्द्रीय सङ्गठन समिति विघटन गर्दैै प्राडा गौतम संयोजक रहनुभएको सम्मेलन आयोजक समिति गठन गरेको छ ।
समितिको सचिवालय समितिमा संयोजक गौतमसँगै समीर सिंह, भोला ढकाल, भरतमणि भण्डारी, जीवनारायण खनाल, जगत् रेग्मी, लीलाबहादुर केसी, विदुर मल्ल र तारामणि न्यौपाने रहनुभएको छ ।
त्यस्तै सदस्यमा काजीगाउँले श्रेष्ठ, रामदेव पाण्डे, कमला थापा, सिद्धिमान जिसी, केशवराज खनाल, दुर्गानाथ खरेल, वैरागी जेठा, भानुभक्त भारती, राजेन्द्र ढुङ्गाना, कमलप्रसाद घिमिरे, प्राडा खेम कोइराला, डा. मनबहादुर खत्री, उमा खनाल, रविमोहन ढकाल, लोकराज भुसाल र बाबुराम आचार्य रहनुभएको छ ।
भेलाद्वारा निर्वाचित आयोजक समितिको बैठक बसी राष्ट्रिय सम्मेलनको मिति, स्थान तथा प्रकाशनबारे योजना पनि बनाउने निर्णय गरेको बताइएको छ ।
