अमेरिका । अमेरिका र इरानले पुनः आक्रमण सुरु गरे पछि अष्ट्रेलियाका विदेश मन्त्री पेनी वोङले शुक्रबार द्वन्द्व अन्त्य गर्नका लागि युद्ध–विरामको आह्वान गर्नु भएको छ ।
वोङले अस्ट्रेलियन ब्रोडकास्टिङ कर्पोरेसन (एबीसी) टेलिभिजनसँग बुराकानी गर्दै उहाँले अष्ट्रेलियालयायत समग्र विश्वले मध्य पूर्वका नागरिक र विश्वव्यापी अर्थतन्त्रको फाइदाका लागि द्वन्द्वको अन्त्य चाहेको बताउनुभएको छ ।
यस क्षेत्रका जनताका लागि मात्र नभइ विश्वव्यापी अर्थतन्त्रमा परेको प्रभावका कारण विश्व साँच्चै यो युद्धविरामलाई कायम राख्न, बलियो बनाउन र द्वन्द्वको अन्त्य हेर्न चाहेको उहाँले प्रष्ट पार्नु भएको छ ।
संयुक्त राज्य अमेरिका र इरानले मंगलबार देखि बिहीबार सम्म गरेका ताजा आक्रमणका कारण नयाँ चरणको तनावलाई बढवा दिएको भान भएकोसमेत यहाँले जनाउनु भएको छ ।
होर्मुजको जलमार्ग पार गर्ने व्यापारिक जहाजहरूमा हालैका इरानी आक्रमणहरूको प्रतिक्रियामा, अमेरिकाले इरानका धेरै लक्ष्यहरूमा आक्रमण गर्दा परिणामस्वरूप हताहत र पूर्वाधार क्षति भएको जनाइएको छ ।
यसको बदलामा इरानले कुवेत, बहराइन, कतार र जोर्डनमा रहेका अमेरिकी सैन्य अड्डाहरू र सुविधाहरूमासमेत मिसाइल तथा ड्रोन आक्रमण गरेको जनाइएको छ ।
