दाङ । अखिल नेपाल बुद्धिजीवी संघ, दाङको कार्यबहाक अध्यक्षमा चेतबहादुर राहुँ चयन हुनुभएको छ । संघको बैठकले राहुँलाई कार्यबहाक अध्यक्ष तोकेको हो ।
अध्यक्ष चुनचुन केसी देशबाहिर गएपछि उपाध्यक्ष राहुँलाई कार्यबहाक अध्यक्ष चयन गरिएको बुद्धिजीवी नेता ठाकुर खनालले जानकारी दिनुभयो । संघले सदस्यता वितरण तथा संगठन विस्तार लगायतका निर्णयहरु गरेको खनालले बताउनुभयो ।
बैठकले विभिन्न समसामयिक विषयमा समेत छलफल गरेको छ । बैठकपछि कार्यबहाक अध्यक्ष राहुँले प्रेशित गर्नुभएको वक्तव्यमा भारतले कालापानीमा सहित देशका विभिन्न ठाउँमा सीमा अतिक्रमण गरिरहेको प्रति भर्त्सना गरिएको छ ।
अनाधिकृतरुपमा सीमा नजिक बाँध, सडक बनाई नेपाली भूभाग डुवानमा पार्ने कार्य गरिरहेको भन्दै गुमेको नेपाली भूमि फिर्ता ल्याउन र भारतका त्यसप्रकारका गतिविधि रोक्नको लागि कडा कदम चाल्न नसक्नु सरकारको हद दर्जाको कमजोरी रहेको संघले ठहर गरेको छ ।त्यस्तै, एमसीसी खारेज गर्नुपर्नेमा बुद्धिजीवी संघले जोड दिएको छ।
संघले बाढी पहिरोलगायत विपदबाट विस्थापितहरुको उचित राहत र पुनर्थापना एवं घाइतेको उपचारका लागि माग गरेको छ ।
