मुकुन्द राज रोका
Advertisement
बग्नु नै थिएन भने खोला झैँ सोस्सायो किन ?
बारुद थियो तर नजल्ने गरी ओस्सायो किन ?
यो प्राकृतिक हो, नियम पनि आफ्नै हुने गर्छ,
घुल्नै नसक्ने कृत्रिम चिजमा मिसायो किन ?
अग्लो बन्ने ईच्छामा भुइँको छाति टेक्यो तिमी,
हिमचुचुरा झैँ पलाउन नसकी चिस्सायो किन ?
भाग्नु रहिछ त्यो युद्व मैदानबाट काँतर बनी,
सगरै खसाल्ने गरी उबेलामा जोस्सायो किन ?
क्रान्तिकारी हौ भने निस्कनै नसक्ने गरी त्यहाँ,
संशोधनवादको दलदल माझमा धस्सायो किन ?
