काठमाडौँ । बसन्त पञ्चमीको अवसरमा नेपाल सरकारको संस्कृति सम्बन्धी जेष्ठ निकाय सांस्कृतिक संस्थान नाचघरद्वारा आयोजित ‘वसन्त सांस्त्रीय संगीत महाउत्सब – २०८२’ मा हेमराज आश्रम सुनिएका हुन । माघ ८ र ९ गते चलेको दुई दिवसिय उक्त कार्यक्रममा आश्रम भने ८ गतेको पहिलो सत्रमा सुनिएका थिए । राग केदार प्रस्तुत गर्नु पुर्व उहाँले भनेका थिए, “देश, माटो, पुर्खा, जनजिविका, राष्ट्र तथा राष्ट्रियता गाउने विषय उहाँको रुची हो । तसर्थ सोही भावना राग केदारको माध्यमवाट प्रस्तुत गर्न चाहन्छु ”

उहाँको सो ख्याल गायनमा तबलामा जगन्नाथ धौगोडा, भायोलिनमा यतिराज अधिकारी, हारमोनियमा आसा थापा र तानपुरामा रुपक भटराइ र निसा गिरीले साथ दिनु भएको थियो । उहाँले राग केदारमा छोटा ख्याल र तराना प्रस्तुत गर्नु भएको थियो । झण्डै ३० मिनेटको प्रस्तुती रहेको सो गायनमा,
‘तन भित्र मन भित्र राख
शान्त र सुन्दर देश

बुद्धको देश नेपाल
जहाँ हास्छ सगरमाथा
नाच्दछ डाँफे मुनाल’
बोलको बन्दिस प्रस्तुत गर्नु भएको थियो । सो बन्दिसको निर्माण, आश्रम आफैले गरेका थिए ।

सो अवसरमा नेपाली संगीत जगतका थुप्रै मुर्धन्य स्रष्टाहरू र संगीतका विद्यार्थीहरूको उल्लेखनिय उपस्थिति रहेको थियो । आश्रम रक्तिम साँस्कृतिक अभियानका महासचिव पनि हुनुहुन्छ ।