गुल्मी । राष्ट्रिय जनमोर्चा गुल्मीले शेरबहादुर थापा (रामकुमार क्षेत्री) र लालबहादुर थापालाई प्रतिनिधिसभा सदस्यको उम्मेदवार बनाएको छ ।
२०८२ फागुन २१ गते हुने प्रतिनिधिसभा निर्वाचनको लागि राजमोले थापा र क्षेत्रीलाई उमेदवार बनाएको हो ।
क्षेत्री र थापा राजामो केन्द्रीय सदस्य हुनुुहन्छ, भने उहाँहरू लामो समयदेखि पार्टी र सङ्गठनमा काम गर्दै आउनुभएको छ ।
राष्ट्रिय जनमोर्चाले गुल्मी जिल्लामा जनपक्षीय राजनीति, सुशासन, सामाजिक न्याय र राष्ट्रिय स्वाधीनताको सवाललाई सधैँ प्राथमिकतामा राख्दै आएको छ ।
सोही राजनीतिक धाराको प्रतिनिधित्व गर्ने व्यक्तित्वका रूपमा क्षेत्री र थापा उम्मेदवारी सिफारिस हुनु पार्टीका लागि मात्र होइन, सिंगो गुल्मी जिल्लाका सचेत नागरिकहरूका लागि पनि महत्वपूर्ण अवसरका रूपमा लिइएको छ ।
राजमोले वर्तमान सङ्घीय संरचनाले देशलाई आर्थिक रूपमा कमजोर बनाएको, प्रशासनिक खर्च अत्यधिक बढाएको र भ्रष्टाचारलाई संस्थागत गरेको निष्कर्ष निकाल्दै संघीयता खारेजको माग गर्दै आएको छ। पार्टीका अनुसार संघीयता लागु भएपछि राज्यको खर्च अस्वाभाविक रूपमा बढेको, सेवा प्रवाह कमजोर बनेको र राजनीतिक अस्थिरता झनै गहिरिएको छ ।
