काठमाडौं । निर्वाचन आयोगले समानुपातिकतर्फका उम्मेदवारहरूको बन्दसूची सार्वजनिक गरेको छ ।
राजनीतिक दलबाट पेस भएका उम्मेदवारहरूको बन्दसूची सार्वजनिक गरिएको आयोगका सहसचिव एवं प्रवक्ता नारायणप्रसाद भट्टराईले बताएका छन् ।
आयोगले सार्वजनिक गरेको विवरण अनुसार ५६ निर्वाचन चिन्हमा ६३ वटा राजनीतिक दलबाट ३ हजार २ सय १३ जना रहेका छन् ।
दलहरूले गत पुस १३ र १४ गते समानुपातिक सूची निर्वाचन आयोगमा बुझाएका थिए । उक्त सूची हिजो माघ ४ गते सार्वजनिक भएको छ । निर्वाचन आयोगले प्रकाशन गरेको बन्दसूचीमा नाम समावेश भएका कुनै उम्मेदवारको योग्यताको सम्बन्धमा दाबी विरोध गर्न चाहने मतदाताले यही माघ १० गतेसम्म निवेदन दिन सक्नेछन् ।
निर्वाचन आयोग समानुपातिक निर्वाचन प्रणालीतर्फको निर्वाचन अधिकृतको कार्यालयमा उपस्थित भई दावी विरोध गर्नुपर्ने हुन्छ । प्रत्यक्ष तर्फको मनोनयन भने आगामी मंगलबार हुँदैछ ।
प्रतिनिधि सभाको निर्वाचन आगामी फागुन २१ गते हुँदैछ । समानुपातिक तर्फबाट ११० जना र प्रत्यक्ष तर्फबाट १६५ जना निर्वाचित हुन्छन् ।
कुन दलले कति संख्यामा बुझाए बन्दसूची
१. नेपाल मजदुर किसान पार्टी–११०
२. नेपाल लोकतान्त्रिक पार्टी–१२
३. राष्ट्रिय जनमोर्चा–११०
४. जनप्रिय लोकतान्त्रिक पार्टी–१२
५. नेपाल कम्युनिष्ट पार्टी मार्क्सवादी (पुष्पलाल)–३०
६. गतिशील लोकतान्त्रिक पार्टी–११
७. जनता समाजवादी पार्टी, नेपाल–१०१
८. समावेशी समाजवादी पार्टी–१५
९. समावेशी समाजवादी पार्टी नेपाल–१२
१०. नेपाल जनता संरक्षण पार्टी–३१
११. नागरिक शक्ति, नेपाल–२५
१२. राष्ट्रिय जनमुक्ति पार्टी–१२
१३. नेपाल जनमुक्ति पार्टी–११
१४. मंगोल नेशनल अर्गनाइजेशन–११०
१५. उन्नत लोकतन्त्र पार्टी–१२
१६. जनता लोकतान्त्रिक पार्टी, नेपाल–२५
१७. पिपुल फ्रन्ट पार्टी–१८
१८. नेपालका लागि नेपाली पार्टी–४०
१९. त्रिमुल नेपाल–२३
२०. स्वाभिमान पार्टी–११
२१. प्रजातान्त्रिक पार्टी नेपाल–४१
२२. नेपाल कम्युनिष्ट पार्टी (मार्क्सवादी–लेनिनवादी)–११०
२३. राष्ट्रिय उर्जाशील पार्टी, नेपाल–४६
२४. एकल चुनाव चिन्ह, मोवाइल–११०
२५. राष्ट्रिय एकता दल–३२
२६. राष्ट्रिय गौरव पार्टी–२५
२७. एकल चुनाव चिन्ह, चकिया (जाँतो) –११०
२८. श्रम संस्कृति पार्टी–११०
२९. नेशनल रिपब्लिक नेपाल–२९
३०. जन अधिकार पार्टी–११
३१. राष्ट्रिय परिवर्तन पार्टी–४९
३२. संघीय लोकतान्त्रिक राष्ट्रिय मञ्च–११०
३३. नेपाल सद्भावना पार्टी–११०
३४. नेपाल कम्युनिष्ट पार्टी (एमाले)–११०
३५. जनमत पार्टी–११०
३६. राष्ट्रिय मुक्ति आन्दोलन, नेपाल–२७
३७. नेपाल कांग्रेस (बीपी)–११
३८. राष्ट्र निर्माण दल नेपाल–३५
३९. राष्ट्रिय जनता पार्टी नेपाल–१२
४०. नेपाल मातृभूमि पार्टी–२०
४१. मितेरी पार्टी नेपाल–१०४
४२. एकल चुनाव चिन्ह, जगर भएको सिंह–२५
४३. नेपाली जनश्रमदान संस्कृति पार्टी–११
४४. बहुजन शक्ति पार्टी–२०
४५. नेपाल कम्युनिष्ट पार्टी (संयुक्त)–११०
४६. नेपाली कम्युनिष्ट पार्टी–११०
४७. नेपाली जनता दल–४७
४८. जय मातृभूमि पार्टी–५५
४९. राष्ट्रिय प्रजातन्त्र पार्टी–११०
५०. नेपाल कम्युनिष्ट पार्टी (माओवादी)–११०
५१. सार्वभौम नागरिक पार्टी–९३
५२. नेपाल जनता पार्टी–६०
५३. एकल चुनाव चिन्ह, बस–११०
५४. संयुक्त नागरिक पार्टी–६१
५५. राष्ट्रिय स्वतन्त्र पार्टी–११०
५६. नेपाली कांग्रेस–११०
