प्युठान । आगामी फागुन २१ गते सम्पन्न हुने प्रतिनिधि सभाको निर्वाचनमा प्यूठानबाट राष्ट्रिय जनमोर्चाले तिलक जिसीलाई उम्मेदवार चयन गरेको समाचार प्राप्त भएको छ । झिमु्रक गाउँपालिकाको प्रथम अध्यक्ष निर्वाचित भएका थिए ।
इमानदार, कर्मठ, निष्ठावान तथा निरन्तर देश र जनताको पक्षमा संघर्षरत जुझारु नेता तिलक जिसी प्रतिनिधिसभा निर्वाचनका लागि प्युठान जिल्लाबाट राष्ट्रिय जनमोर्चाको तर्फबाट उम्मेदवार बन्नुभएकोमा प्युठानी जनतामा नयाँ आशा पलाएको बताइएको छ ।
तिलक जिसी स्थानीय तहदेखि राष्ट्रिय राजनीतिसम्म स्पष्ट विचार र व्यवहारिक नेताका रुपमा चिनिन्छन् । उनले झिमरुक गाउँपालिकालाई लुम्बिनी प्रदेशकै पहिलो र सिंगो देशकै सातौँ उत्कृष्ट गाउँपालिकाको रूपमा स्थापित गर्न सफल भएका थिए । सीमित स्रोत–साधनका बाबजुद सुशासन, पारदर्शिता र जनमुखी विकासलाई प्राथमिकतामा राखेर काम गरेकाले झिमरुक गाउँपालिका उदाहरणीय बनेको स्थानीयवासीहरू बताउँछन्।
जिसीले साविक गाउँविकास समितिको अध्यक्षका रूपमा समेत जिम्मेवारी निर्वाह गरेको थिए । त्यस दौरानमा उनले शिक्षा, स्वास्थ्य, खानेपानी, सडक तथा सामाजिक विकासका क्षेत्रमा उल्लेखनीय काम गरेका थिए । जनताको प्रत्यक्ष सहभागिता, इमान्दार नेतृत्व र सही योजनाका कारण विकास सम्भव हुन्छ भन्ने जिसीले व्यवहारबाट प्रमाणित गरिसकेका छन् ।
