बुटवल । अखिल (छैठौं) लुम्बिनी प्रदेश समितिको आयोजनामा प्रदेशस्तरीय प्रशिक्षण कार्यक्रम सम्पन्न भएको छ ।
केन्द्रीय अध्यक्ष सुवास जिसीको प्रमुख आतिथ्यमा २०८२ माघ २ र ३ गते सो कार्यक्रम सम्पन्न भएको हो ।
प्रमुख अतिथि जिसीले उद्घाटन गर्नुभएको उक्त कार्यक्रममा अखिल (छैठौं) प्रदेश समितिका अध्यक्ष रिसव शर्माको अध्यक्षता तथा सचिव सागर बेल्बासेको सञ्चालन रहेको थियो ।
उपाध्यक्ष कुलचन्द्र शर्माको स्वागत मन्तव्यमा अघि बढेको सो कार्यक्रममा राष्ट्रिय जनमोर्चा लुम्बिनी प्रदेश समितिका सल्लाहकार सुरेश थापा, कम्युनिस्ट सङ्ग्रहालयका अध्यक्ष चेतनाथ आचार्य, अखिल नेपाल बुद्धिजीवी सङ्घका सचिवालय सदस्य दुर्गानाथ खरेल, राजमो प्रदेश सदस्य तिलक सुवेदी र राजमो रुपन्देहीका सदस्य भीमलाल न्यौपानेको मन्तव्य राख्नुभएको थियो ।
उद्घाटन सत्रपछिको दुई दिनमा छओटा शीर्षकमा केन्द्रित रहेर प्रशिक्षण सम्पन्न भएको थियो ।
प्रशिक्षणको क्रममा नेकपा (मसाल) का महामन्त्री मोहनविक्रम सिंहले विश्वदृष्टिकोण र तात्कालिक राजनीतिक परिस्थिति, अध्यक्ष जिसीले अखिल (छैठौंं) को इतिहास र विद्यार्थी राजनीति, दुर्गानाथ खरेलले माक्र्सवादी दर्शन, सुरेश थापाले सङ्गठन र अनुशासन शीर्षकमा प्रशिक्षण दिनुभएको थियो ।
प्रशिक्षणपश्चात् केही समय प्रश्नोत्तर चलेको थियो ।
कार्यक्रममा लुम्बिनी प्रदेशका नौओटा जिल्लाबाट ४० बढी चुनिएका विद्यार्थीको उपस्थिति रहेको थियो ।
