बुटवल, पौष १३ । राष्ट्रिय जनमोर्चा निकट अखिल नेपाल शिक्षक संघको पाँचौं राष्ट्रिय महाधिवेशन यही पौष ११, १२ र १३ गते बुटवलमा सम्पन्न भएको छ ।
उद्घानट सत्र पछि बन्दसत्र शुरुभएको थियो । बन्द सत्रबाट अध्यक्ष सानोभाइ कार्कीले प्रस्तुत गर्नुभएको समसामयिक प्रस्ताव, महासचिव चक्रपाणि पौडेलले प्रस्तुत गर्नुभएको सांगठनिक प्रतिवेदन, कोषाध्यक्ष टेकबहादुर थापाले प्रस्तुत गर्नुभएको आर्थिक प्रतिवेदन र महिला सचिव सुनमाया ढकालले प्रस्तुत गर्नुभएको महिला विभागको प्रतिवेदन सर्वसहमतिले पारित गर्दै अधिवक्ता हेमराज शर्माको संयोजकत्वमा लीलाबहादुर केसी र चेतनाथ आचार्य सदस्य रहेको निर्वाचन समिति गठन गरेको थियो ।
महाधिवेशनले चक्रपाणि पौडेलको अध्यक्षतामा २७ सदस्यीय राष्ट्रिय समिति र ७ सदस्यीय सल्लाहकार समिति चयन गरेको छ । राष्ट्रिय समितिको वरिष्ठ उपाध्यक्ष– कृष्णप्रसाद आचार्य, उपाध्यक्ष– शत्रुघन श्रेष्ठ, महिला उपाध्यक्ष– सुनमाया ढकाल, महासचिव– पुष्कर सापकोटा, सचिव– भानु जीएम, महिला सचिव– विन्दु विष्ट र कोषाध्यक्ष– टेकबहादुर थापा रहनुभएको छ ।
राष्ट्रिय समितिका सदस्यहरूमा विनोद बोहरा, गंगा पौडेल, शेरबहादुर थापा, नरबहादुर भण्डारी, दिनेश थापा, हृदयनारायण शाह, तारामणि न्यौपाने, सिर्जना खड्का, दिपक कार्की, अर्जुनबहादुर केसी, दुर्गाबहादुर थापा, रुमालप्रसाद बसेल, मित्रदत्त ढकाल, कृष्णप्रसाद बञ्जाडे, सान्नानी श्रेष्ठ, शान्ता भट्टराई, उमाकला खनाल, र सावित्रा पुन चयन हुनुभएको छ ।
त्यसैगरी सल्लाहकारमा सानोभाइ कार्की, अजय गिरी, कमला बञ्जाडे, गीता कार्की, लालबहादुर भण्डारी , हिमाल वेल्वासे र कमला थापा चयन रहनुभएको छ ।
यसैबीच महाधिवेशनपछिको पहिलो बैठकबाट ९ सदस्यीय सचिवालय गठन गरिएको छ । जसमा ८ जना पदाधिकारी सहित विनोद बोहरा सचिवालय सदस्यमा चयन हुनुभएको छ ।
सम्मेलनको उद्घाटन समारोहको अध्यक्षता अध्यक्ष सानोभाइ कार्कीले गर्नुभएको थियो । सम्मेलनका प्रमुख अतिथि राष्ट्रिय जनमोर्चाका अध्यक्ष चित्रबहादुर केसीले सम्मेलनको उद्घाटन पुस ११ गते शुक्रबार गर्नुभएको थियो ।
उद्घाटन समारोहको समाचारको लागि यो लिंकमा जानुहोस् : “शिक्षक सङ्घको पाँचौँ महाधिवेशन सुरु “
