काठमाडौँ । राष्ट्रिय जनमोर्चा काठमाडौँका अध्यक्ष झबिन्द्र्र बेलबासेकी आमा तथा अखिल नेपाल महिला सङ्घ काठमाडौँकी मालता बेलबासेकी सासूआमा बेली बेलबासेको दाहसंस्कार गरिएको छ । 
२०८२ मङ्सिर १६ गते निधन भएकी बेलबासेको आज मङ्सिर १७ गते बुधबार पशुपति आर्यघाटमा दाहसंस्कार गरिएको हो ।
९३ वर्षीय बेलीको दाहसंस्कारमा नेकपा (मसाल) का महामन्त्री मोहनविक्रम सिंह, केन्द्र्रीय प्रवक्ता रामप्रकाश पुरी, राष्ट्रिय जनमोर्चाकी केन्द्रीय उपाध्यक्ष तथा प्रवक्ता दुर्गा पौडेल, महासचिव मनोज भट्ट, राजमो केन्द्रीय सल्लाहकार आनन्द शर्मा, अखिल नेपाल महिला सङ्घकी अध्यक्ष मीना पुन, राजमो केन्द्रीय सदस्य तथा लुम्बिनी प्रदेश सांसद तारा थापालगायतको उपस्थिति रहेको थियो ।
त्यस्तै, दाहसंस्कारस्थलमा प्रगतिशील पत्रकार सङ्घका महासचिव प्रकाश थापामगर, अखिल नेपाल कानुन व्यवसायी सङ्घका महासचिव अधिवक्ता लक्ष्मणदेव पाण्डे, अखिल नेपाल राष्ट्रिय व्यापार सङ्घका केन्द्रीय कोषाध्यक्ष बी.बी. अधिकारी, अखिल नेपाल किसान महासङ्घ (अप्फा) का केन्द्रीय कोषाध्यक्ष केबी घले, अखिल नेपाल टे«ड युनियन महासङ्घ (अन्टुक) का केन्द्रीय सदस्य प्रेम मोक्तान, नेपाल पत्रकार महासङ्घ काठमाडौँका सदस्यहरू गोविन्द शर्मा र लक्ष्मण बेलबासेलगायतको पनि उपस्थिति थियो ।
चार छोरा, बुहारी, नातिनतिनाकी अभिभावक रहेकी बेली लामो समयदेखि अस्थमाद्वारा ग्रसित हुनुहुन्थ्यो । पारिवारिक स्रोतका अनुसार गत २०६८ सालदेखि उहाँ अक्सिजन लगाउँदै आउनुभएको थियो ।
