तौलिहवा । कपिलवस्तुको विजयनगर गाउँपालिका–६ को उज्यालपुरमा राष्ट्रिय जनमोर्चाको वडाभेला सम्पन्न भएको छ ।
राजमो जिल्ला सचिव केरसिंह अदैको प्रमुख आतिथ्यमा २०८२ मङ्सिर ४ गते बिहीबार सम्पन्न सो भेला सम्पन्न भएको हो ।
कमला कोरीको अध्यक्षतामा सम्पन्न भेलाले पशुपतिप्रसाद कलवार अध्यक्ष रहनुभएको सल्लाहकारसहित १७ सदस्यीय राजमोको विजयनगर वडासमिति चयन गरेको छ ।
समितिको उपाध्यक्षमा सूर्यबहादुर जिसी, सचिवमा अङ्गत कोइरी, सहसचिव शिवप्रसाद केवट र कोषाध्यक्षमा सुमित्रा गन्धर्व रहनुभएको छ ।
त्यस्तै, सदस्यमा चिनमुन कोरी, भुकुराम थारू, राधिका कहार, लक्ष्मी कलवार, विष्णु परिवार, श्यामदलारी कोरी, टौलेश्वर कुर्मी, सन्दीप कहार तथा सल्लाहकारमा पतेश्वरी यादव, केतारे कोरी, चिन्ने कोरी र कमला कोरी रहनुभएको छ ।
भेलामा प्रमुख अतिथि अदैले समसामयिक राजनीतिक परिस्थिति, जेनजी आन्दोलन र वर्तमान सरकारबारेमा राजमो धारणा राख्नुभएको थियो ।
भेलामा राजमो विजयनगर पालिका समितिका अध्यक्ष गोविन्द परिवारले पनि शुभकामना मन्तव्य राख्नुभएको थियो ।
भेलापछि कार्यक्रममा सदस्यता प्रदान गरिएको थियो । समितिको प्रथम बैठकले गाउँमा सम्पर्क बढाउने, सदस्यता वितरण गर्नेलगायत निर्णय गरेको छ ।
तत्कालीन राजमो वडाकमिटी अध्यक्ष विनोद कहारको गत जेठ महिनामा मृत्यु भएको थियो ।
कार्यक्रमको सञ्चालन पशुपतिप्रसाद कलवारले र स्वागत चिनमुन कोरीले गर्नुभएको थियो ।
