काठमाडौँ । राष्ट्रिय जनमोर्चाले समसामयिक राजनीतिक परिस्थितिबारे छलफल चलाउन मङ्सिर ६ गते शनिबार केन्द्रीयस्तरको अन्तरक्रिया कार्यक्रम गर्ने भएको छ ।

नेकपा (मसाल) का महामन्त्री मोहनविक्रम सिंहद्वारा लिखित अवधारणापत्रमाथि छलफल गर्ने गरी सो कार्यक्रम आयोजना गरिएको हो ।

राजमो महासचिव मनोज भट्टका अनुसार महामन्त्री सिंहले प्रस्तुत गर्ने सो अन्तरक्रियाको शीर्षक ‘वर्तमान राजनीतिक परिस्थिति र जेनजी’ हुनेछ ।

दिउसो १ बजेदेखि बागबजारस्थित हार्दिक होटलमा सम्पन्न हुने सो कार्यक्रममा विभिन्न राजनीतिक दलका प्रतिनिधिको उपस्थिति हुने महासचिव भट्टले युगदर्शनलाई जानकारी दिनुभयो ।

उक्त कार्यक्रममा राष्ट्रिय स्वतन्त्र पार्टी र राष्ट्रिय प्रजातन्त्र पार्टीबाहेक अन्य गणतन्त्र पक्षधर राजनीतिक पार्टीको उपस्थिति हुने राजमोले जनाएको छ ।