काठमाडौँ । मन्त्रिपरिषद् बैठकले अमृतमान श्रेष्ठलाई निगमको कार्यवाहक महाप्रबन्धकमा नियुक्त गरेको छ ।
नेपाल वायुसेवा निगमका सञ्चालक समितिका सदस्य रहेका श्रेष्ठलाई मङ्गलबार बसेको मन्त्रिपरिषद्को बैठकले तत्कालका महत्त्वपूर्ण कार्यलाई जिम्मेवारी दिने निर्णय गरेको ऊर्जामन्त्री कुलमान घिसिङले पुष्टि गरेका छन् ।
श्रेष्ठलाई तत्कालीन पर्यटनमन्त्री प्रेम आलेले निगमको सञ्चालक समिति सदस्यमा नियुक्त गरेका थिए । उनी निगममै कार्यरत रही अवकाश प्राप्त कर्मचारी पनि हुन् ।
निगमका कार्यकारी अध्यक्ष युवराज अधिकारीको कार्यकाल तिहारपछि सकिएसँगै उनले उपनिर्देशक डोलेश्वर कोइरालालाई निमित्त महाप्रबन्धकको जिम्मेवारी दिएका थिए ।
श्रेष्ठले अब निगममा अवरुद्ध रहेका इन्जिन भुक्तानी, लिज विवाद तथा अन्य प्राथमिक विषयमा तत्काल कदम चाल्नुपर्ने चुनौती स्वीकार गर्दै कार्यभार सम्हाल्नेछन् ।
