काठमाडौँ । दुर्गा प्रसाईंको गिरफ्तारीप्रति आपत्ति प्रकट गर्दै संविधानविद् डा. भीमार्जुन आचार्यले भनेका छन्– यो “नागरिक शासनको निकै ठुलो धब्बा हो ।”
२०८२ मङ्सिर २ गते अबेर राति सामाजिक सञ्जालमा स्टाटस राख्दै उनले यस्तो आपत्ति प्रकट गरेका हुन् ।
अभिव्यक्ति स्वतन्त्रताका सीमा र मर्यादा हुने र त्यसको पालना गर्नु हरेक नागरिकको कर्तव्य भए पनि रातको समयमा परिवारसँग सुतेका व्यक्तिलाई गिरफ्तार गर्ने कार्यलाई उनले ‘कानुनत: वर्जित’ हुने बताएका छन् ।
उनले सरकारसित प्रश्न गरेका छन्– “यस्तो हर्कत गर्न सरकारलाई केले बाध्य बनायो ?”
डा. आचार्यले यस सम्बन्धमा सरकारसित जबाफ पनि मागेका छन् ।
उनले भनेका छन्– “अभिव्यक्ति स्वतन्त्रताका सीमा र मर्यादा हुन्छन्, त्यसको पालना र सम्मान हरेक व्यक्ति र नागरिकले गर्नुपर्छ । यसको नियमन राज्यले गर्न पाउँछ तर रातको समयमा परिवारसँग रहेको व्यक्तिलाई गिरफ्तार गर्नु कानुनत: वर्जित कार्य हो । नागरिक शासनको निकै ठुलो धब्बा पनि हो । यस्तो हर्कत गर्न सरकारलाई केले बाध्य बनायो ? जबाफ चाहियो सरकार ।”
