रवि पाैडेल – (दक्षिण भारत पाण्डेचरी) ##
हाे देशमा भष्ट्राचार भएको छ
हाे देशमा बेथितिकाे राज भएको छ
कानुनको खिल्ली उडाउँदै
हत्याराे बाहिर छुटेको छ
हत्याराे छुटाउने
ती दलका नेताहरू दाेषि
कि ,
फैसला गर्ने वकिलहरु दाेषि ?
सर्वोच्च अदालतकाे भवन दाेषि थिएन्
नेपाल आमा तिमिले कस्तो सन्तान जन्मायाै
उसले ,
भवन नै भष्ट्राचारी देख्यो ।
हाे त्यहाँ नानाथरीका ब्यक्ति थिए
हाे त्यहाँ राष्ट्रघातिहरु पनि थिए
त्यहाँ सशक्त आवाज उठाउने
राष्टबादीहरु पनि पुगेका थिए
सांसदहरू जुट्थे
देश बनाउने कुरा गर्थें
विकास र समृद्धिका कुरा गर्थें
तर ,
राष्टघातिहरु पनि त्यहाँ पुगेका थिए
मान्नुस् या नमान्नुस्
संसद भवन राष्टघाति थिएन्
नेपाली झण्डा बेरेर
संसद भवन राष्टघाति देख्ने
हे नेपाल आमा तिमिले
कस्तो सन्तान जन्मायाैं ।
त्यहाँ त तपाईं पनि जान सक्नुहुन्छ आमा
त्यहाँ त म पनि जान सक्छु
छाेराे हाेस या छाेरी
जुनसुकै जातको हाेस्
त्यो त साझा घर थियाे आमा
“राष्ट्रपति भवन ”
त्यो पनि भष्ट्राचारी देख्यो आमा
तिम्रो छाेराछाेरीले
मलाई पिर लागेको छ आमा
तिमिले कस्तो सन्तान जन्मायाै
नेपाल आमा
मलाई डर लागेको छ आमा !
त्यहाँ त मेराे घरकाे लालपुर्जा थियाे
त्यहाँ त मेरो गाउँ कै कित्ता नम्बरहरु
छुट्याउने नक्सा थियाे
त्यहाँ त जिल्लामै घर धनिहरुकाे
एक एक रेकर्ड थियाे आमा !
लालपुर्जा बिना मेरो घर
मेराे खेत
मेराे जग्गा
मेराे हुन सक्दैन आमा
तर ,
त्यो भवन पनि दलाल देख्यो आमा
नेपाल आमा तिमिले
कस्तो सन्तान जन्मायाै
” मालपोत ” कार्यलय जलाएर
हातमा तिम्रै झण्डा फहराउँदै
उत्सव मनाउछ आमा छाेराछाेरिहरुले
भन आमा !
तिमिले कस्तो सन्तान जन्मायाै ?
