विकानेर (राजस्थान) । भारतको राजस्थान राज्यको बिकानेरबाट १९ सेप्टेम्बर २०२५ को राती ११ बजेदेखि बिकानेरस्थित गान्धी कलोनी, घर नम्बर २७८ कैलासपुरीमा भाडामा रहेको घरबाट सम्पर्क बिहिन भएका दुई बालिकाहरू महाराष्ट्रमा फेला परेको समाचार प्राप्त भएको छ ।
उनीहरूलाई मूल प्रवाह अखिल भारत नेपाली एकता समाजको पहल तथा आफन्तजनको सक्रियतापूर्वक भएको खोजविन पश्चात फेलापारिएको सुदुर पश्चिमोत्तर क्षेत्रीय महिला विभागकी सदस्य सविना खनालले बताउनु भएको छ ।
दुबै बालीकाहरूको खोजविनका लागि आमा–बुबाले २५ सेप्टेम्बर २०२५ का दिन मूल प्रवाह अखिल भारत नेपाली एकता समाज विकानेर नगर समितिमा खोजी कार्यमा सहयोगका लागि गर्न अपिल गरेका थिए ।
समाजका नेता कार्यकर्ताहरूको पहलमा बिकानेरको रेलवे स्टेशनको सिसिटिभी फुटेजमा हेरिएको थियो । फुटेजमा उनीहरूलाई बिकानेर निवासी भारतीय महिलाले आफ्नो छोरा सहित महिलासँग भेट गराई भगाउन सहयोग गरेको देखिएको थियो ।
बिकानेर पुलिसले सिसिटिभी फुटेज चेक गरेपश्चात रेलमा आएको महिलासँग बिकानेरको महिलाले आफनो छोरा र दुबैनानीहरूलाई जयपुर जाने रेलमा पठाएको थाहा लागेको थियो । उक्त रेलको परस्थान र अन्तिम स्टेशनको आधारमा उनीहरूको खोजी कार्य पुरा भएको थियो ।
यो पनि पढौँ : भारतको बिकानेरबाट हराएका दुई बालिकाको खोजीमा मूल प्रवाह
