काठमाडौँ । नेकपा (मसाल) ले शङ्कर गौतमको निधनप्रति दुःख व्यक्त गरेको छ ।
महामन्त्री मोहनविक्रम सिंहको हस्ताक्षरमा २०८२ भदौ ३२ गते मङ्गलबार शोकवक्तव्य व्यक्त गर्दै दुःख व्यक्त गरेको छ ।
वक्तव्यमा मसालको पार्टीसदस्य हुनुका साथै इमानदार, निष्ठाबद्ध र अनुशासित सदस्य भएको दाबी गरिएको छ ।
यस्तो छ, शोकवक्तव्य :
“प्युठान जिल्ला झिम्रुक गाउँपालिका–३ ओखरकोट स्थायी निवासी हाल रोजगारीको सिलसिलामा भारतको हरियाणा सिरसा निवासी कामरेड शङ्कर गौतमको २०८२ भाद्र २९ गते (तदअनुसार सितम्बर १४, २०२५) मृत्यु भएको छ । हामीले उहाँको मृत्युप्रति गहिरो दुःख व्यक्त गर्दै सन्तप्त परिवारजनप्रति हार्दिक सम्वेदना प्रकट गर्दछौँ ।
कामरेड गौतम हाम्रो पार्टीको सदस्य हुनुहुन्थ्यो । उहाँले हाम्रो पार्टीका विभिन्नस्तरका समितिमा रहेर आफ्नो जिम्मेवारी पूरा गर्नुभएको थियो । उहाँ भारतस्थित नेपालीको लोकप्रिय सामाजिक सङ्गठनमा समेत आबद्ध भएर सक्रिय हुनुहुन्थ्यो । उहाँ हाम्रो पार्टीको इमानदार, निष्ठाबद्ध र अनुशासित सदस्य हुनुहुन्थ्यो । उहाँको मृत्युबाट हाम्रो पार्टीको आन्दोलनका साथै प्रवासी नेपालीको अधिकारको आन्दोलनमा समेत गम्भीर क्षति पुगेको छ ।
अन्तमा हामीले उहाँप्रति हार्दिक श्रद्धाञ्जली व्यक्त गर्दछौँ ।”
