भरतपुर । राष्ट्रिय जनमोर्चाका केन्द्रीय सदस्य दीपक पाण्डेकी आमा तथा अखिल नेपाल महिला सङ्घ नवलपुरकी अध्यक्ष विष्णु पाण्डेकी सासूआमा श्यामकुमारी पाण्डेको स्मृतिमा शोकसभा सम्पन्न भएको छ ।
८६ वर्षको उमेरमा गत भदौ १६ गते निधन भएकी श्यामकुमारीको सातौँ दिन २०८२ भदौ २३ गते आइतबार चितवनको माडीमा सो कार्यक्रम सम्पन्न भएको हो ।
कार्यक्रमको सञ्चालन राजमो केन्द्रीय सदस्य राजेन्द्र ढुङ्गानाले र अध्यक्षता राजमो नवलपुरका अध्यक्ष गिरबहादुर महताराले गर्नुभएको थियो ।
श्यामकुमारीको स्मृतिमा एक मिनट मौनधारणपछि शोकसभामा राजमो केन्द्रीय सदस्यहरू भागिरथ भट्टराई र डम्बर पुरी, अखिल नेपाल किसान महासङ्घ (अप्फा) का महासचिव तुलसीराम सापकोटा, युगदर्शन मिडियाका व्यवस्थापक हरिकान्त पौडेल र नेकपा (मसाल) चितवनका उत्सवले शोकमन्तव्य राख्नुभएको थियो ।
कार्यक्रममा जातीय समता समाजकी उपाध्यक्ष लक्ष्मी रसाइली, राजमो चितवनका अध्यक्ष अमरबहादुर क्षेत्री, नेकपा (मसाल) नवलपुरका प्रवक्ता चन्द्र सापकोटालगायतको आतिथ्य रहेको थियो ।
कार्यक्रममा राजमो नवलपुर र नेकपा (मसाल) चितवनद्वारा परिवारलाई फोटोसहितको स्मृतिचिह्न प्रदान गरिएको थियो ।
दुई छोरा र आठ छोरीसहित २८ सन्तानकी अभिभावक श्यामकुमारीको जन्म १९९६ पुस १५ गते भएको थियो । दीपक पाण्डे उहाँकी कान्छो छोरा हुनुहुन्थ्यो ।
