चितवन । “सम्पूर्ण आदिवासी जनजातिहरू एक हौऔं, प्रतिगामी खतराका विरुद्ध संघर्ष, गणतन्त्र, धर्मनिरपेक्षता रक्षाका लागि हाम्रो आन्दोलन । जनजाति समस्या समाधानका लागि वर्गिय संघर्षको पक्षमा चितवनको अखिल नेपाल जनजाति सम्मेलन
कालिका नगरपालिका प्रथम नगर अधिवेशन” भन्ने मूल नारा अन्तर्गत चितवन कालिकानगरपालिकाको प्रथम नगर अधिवेशन सम्पन्न भएको छ ।
यहि २०८२ भदौ १९ गते सम्पन्न सो अधिवेशनको अध्यक्षता लाल बहादुर थापाले र सञ्चालन जित बहादुर थापाले गर्नुभएको सो भेलामा राष्ट्रिय जनमोर्चाका केन्द्रीय सदस्य राजेन्द्र ढुंगानाको प्रमुख आतिथ्य रहेको थियो ।
त्यस्तै राजमो केन्द्रीय सदस्य डम्मर पुरी, राजमो चितवनका अध्यक्ष अमर क्षेत्री, सदस्य डम्मर केसी र पदम बहादुर थापा लगायतले अतिथि आसन ग्रहण गर्नुभएको थियो ।
ज्ञात अज्ञात शहिदहरूको संझनामा एकमिनेट मौनधारण पछि प्रमुख अतिथि राजेन्द्र ढुंगानाले प्रमुख अतिथिको आसनबाट सम्बोधन गर्नुभएको थियो ।
भेलाले डिल बहादुर थापाको अध्यक्षतामा ११ पूर्ण, चार वैकल्पिक र दुई सल्लाहकार गरि १७ सदस्यीय कालिकानगर नगर समिति निर्वाचित गरेको छ । जसमाः उपाध्यक्ष– तारा थापा, सचिव– दिपक थापा, सहसचिव– भिमा थापा, कोषाध्यक्ष– समुन्द्रा थापा, सदस्यमाः खगी थापा, धनमाया पुन, धनसिंह थापा, सिता राना थापा, आस्मा थापा, इन्द्रकुमारी थापा, वैकल्पिक सदस्यमाः गंगाकुमारी थापा, विष्णु थापा, प्यारी थापा, अमृता थापा, त्यस्तै सल्लाहकारमाः लालबहादुर थापा र विरेन्द्र थापा रहनुभएको छ ।
नवनिर्वाचित समितिलाई राजमो केन्द्रीय सदस्य डम्मर पुरीले बधाई तथा शुभकामना दिनुभएको थियो ।
