खलङ्गा । प्युठानको स्वर्गद्वारी नगरपालिका–२ बलिधारामा राष्ट्रिय जनमोर्चाको टोल भेला सम्पन्न भएको छ ।

राजमो प्युठान जिल्ला समितिका सल्लाहकार तथा स्वर्गद्वारी नगरपालिकाका उपप्रमुख मीनराज रानामगरको विशेष उपस्थितिमा २०८२ भदौ १६ गते सोमबार सो भेला सम्पन्न भएको हो ।

कार्यक्रममा वडाअध्यक्ष बुद्धिराम पुन, कृष्ण पुन र रामबहादुर बोम्पालको समेत आतिथ्य रहेको थियो ।

भक्तबहादुर रोकाको अध्यक्षतामा सम्पन्न उक्त भेलाले सर्वसम्मत रूपमा उहाँ नै अध्यक्ष रहनुभएको ११ सदस्यीय बलिधारा टोल समिति गठन गरेको छ ।

नवगठित समितिमा राधा घर्ती उपाध्यक्ष, जङ्गबहादुर पुन सचिव र विष्णी रोका कोषाध्यक्ष चयन हुनुभएको छ ।

यस्तै समितिका सदस्यमा कृष्णबहादुर घर्ती, दिलमती रोका, टीका घर्ती, पूजा पुन, हिमा घर्ती, कलिदेवी रोका, बेली रोका र जितबहादुर रोका रहनुभएको छ ।