परासी । नवलपरासी (बर्दघाट सुस्ता पश्चिम) को सुनवलमा अखिल नेपाल जनजाति सम्मेलनको दोस्रो नगर अधिवेशन सम्पन्न भएको छ ।
केन्द्रीय सदस्य शेरबहादुर सूर्यवंशीको प्रमुख आतिथ्यमा २०८२ भदौ १४ गते शनिबार सो कार्यक्रम सम्पन्न भएको हो ।
अधिवेशनले कुलबहादुर तारामी अध्यक्ष रहनुभएको नौ सदस्यीय सुनवल नगर समिति गठन गरेको छ ।
समितिको उपाध्यक्षमा तारा पुन, सचिवमा यमबहादुर थापा, सहसचिवमा लक्ष्मी राना र कोषाध्यक्षमा रमि थापा रहनुभएको छ ।
समितिको सदस्यमा सोममाया सूर्यवंशी, युगबहादुर पुन, जङ्गबहादुर थापा र प्रेमबहादुर थापा रहनुभएको छ ।
अधिवेशनले इन्द्रकुमारी रोक्का, जब्बर श्रीस र धनबहादुर बुढाथोकीलाई सल्लाहकारमा चयन गरेको छ ।
प्रमुख अतिथि सूर्यवंशीले गमलाको फूलमा पानी हालेर उद्घाटन गर्नुभएको उक्त अधिवेशनलाई अखिल नेपाल महिला सङ्घकी केन्द्रीय सदस्य सम्झना पौडेल, रक्तिम सांस्कृतिक अभियानका केन्द्रीय सदस्य मेघराज गौतम, राष्ट्रिय जनमोर्चा लुम्बिनी प्रदेश समितिका सदस्य तिलकप्रसाद सुवेदी, राजमो नवलपरासीका अध्यक्ष किसनबहादुर अधिकारी, जिल्ला समितिकै सचिव ढुण्डिराज पोखरेल, जनजाति सम्मेलन पूर्व केन्द्रीय सदस्य दीपक थापा, अखिल नेपाल ट्रेड युनियन महासङ्घ (अन्टुक) नवलपरासीका अध्यक्ष हर्कध्वज लिम्बूलगायतले शुभकामना दिनुभएको थियो।
कार्यक्रम जनजाति सम्मेलन सुनवलका निवर्तमान अध्यक्ष किसनबहादुर थापाको अध्यक्षता, कुलबहादुर तारामीको सञ्चालन र मनरूपा रानाको स्वागत मन्तव्यसँगै अघि बढेको थियो ।
