खिमराज चालिसे, (चन्डिगढ)
मूल प्रवाह अखिल भारत नेपाली एकता समाज सुदूर पश्चिमोत्तर क्षेत्रको कालाआम्बमा तिजी कार्यक्रम सम्पन्न भएको छ ।

२६ अगस्त २०२५ मङ्गलबारका दिन सो प्रगतिशील तिजी कार्यक्रम सम्पन्न भएको हो ।

समारोहको उदघाटन महिला वरिष्ठ नागरिक तथा मूल प्रवाहका सदस्य माया अधिकारी, सुमन बुढाथोकि, अन्जु काल्चे र कमला राजले संयुक्त रुपमा मैनबत्ती बालेर गर्नुभएको थियो।

विभिन्न खेलकूद तथा सांस्कृतिक कार्यक्रमसहित तिज भव्य रुपमा सम्पन्न भएको बलराज काल्चेले बताउनुभएको छ।

कार्यक्रम बलराज काल्चेको अध्यक्षता तथा सरिता खत्रीको सञ्चालनमा सम्पन्न भएको थियो भने सितल भन्डारी र कलाकारले स्वागत गरेका थिए।