दाङ । दाङको घोराहीमा प्रगतिशील तिजी कार्यक्रमसँगै अखिल नेपाल महिला सङ्घको नगर समिति गठन भएको छ ।
महिला सङ्घ घोराही नगर समितिको आयोजनामा २०८२ भदौ ६ गते शुक्रबार सम्पन्न कार्यक्रममाझ सो समिति गठन गरिएको हो ।
राष्ट्रिय जनमोर्चाकी राष्ट्रिय परिषद् सदस्य कृष्णा रानाको प्रमुख आतिथ्यमा सम्पन्न उक्त भेलाले हेमा पोख्रेल अध्यक्ष रहनुभएको महिला सङ्घको घोराही नगर समिति चयन गरेको छ ।
समितिको उपाध्यक्षमा सुशीला नेपाली, सचिवमा खिमा दमाई, सहसचिवमा पद्मा थापा र कोषाध्यक्षमा कल्पना परियार रहनुभएको छ ।
त्यस्तै, सदस्यमा यमसरी घर्ती, शारदा रावत, सावित्री घर्ती, खिमा नेपाली, चुमा पुन र बसन्ता खड्का रहनुभएको छ ।
भेलाले बसन्ता भट्टराई, देवा पाण्डे, आशाकिरण पाण्डे र कमला घर्तीलाई सल्लाहकारमा चयन गरेको छ ।
भेलामा प्रगतिशील तिजगीतमा नाचगान गर्नुका साथै चेतनामूलक प्रशिक्षणात्मक मन्तव्य प्रस्तुत गरिएको थियो ।
सोही क्रममा राजमो केन्द्रीय सदस्य तथा जिल्ला अध्यक्ष गणेश आचार्य, अखिल नेपाल युवक सङ्घका पूर्व केन्द्रीय अध्यक्ष काशिनाथ पोख्रेल, अखिल नेपाल जनजाति सम्मेलनका पूर्व केन्द्रीय सदस्य रामबहादुर घर्तीमगर, अखिल नेपाल शिक्षक सङ्घ दाङका सहसचिव उमकला खनाल र शिक्षक सत्यदेवी रेग्मीलगायतले मन्तव्य राख्नुभएको थियो ।
नगर अध्यक्ष बसन्ता भट्टराईको अध्यक्षता तथा सचिव आशाकिरण पाण्डेको स्वागत मन्तव्यबाट सुरु भएको कार्यक्रमको सञ्चालन हेमा पोख्रेलले गर्नुभएको थियो ।
