हिमाचल । मूल प्रवाह अखिल भारत नेपाली एकता समाज हिमाचल राज्य समितिका सदस्य एवं नगर समिति रिकांगपिओका कोषाध्यक्ष रतन तिरूवाको एक वाहन दुर्घटनामा परि निधन भएको छ । कामको सिलसिलामा उहाँ दुर्गम क्षेत्रमा गएको वेलामा वाहन भएको दुर्घटनामा परि तिरुवाको निधन भएको नगर समिति रिकांगपिओले जनाएको छ ।

रत्तन तिरूवा बिरखे तिरुवाका छोरा भई पीला गापा ३ कुठारी जुमला निवासी हुनुहुन्थ्यो । उहाँको निधनले संगठनले एक कर्मठ कार्यकर्ता गुमाएको भन्दै केन्द्रीय अध्यक्ष प्रेम पौडेलले मृतकप्रति श्रद्धाञ्जली प्रकट गर्नुभएको छ । त्यस्तै राज्य समितिका अध्यक्ष विरु श्रेष्ठले पनि शोकसन्तप्त परिवारप्रति गहिरो सवेदना व्यक्त गर्दै मृतकप्रति श्रद्धाञ्जली प्रकट गर्नुभएको छ ।