कृष्ण केसी, भरतपुर ।
रक्तिम सांस्कृतिक अभियान चितवनले २०८२ सालको प्रगतिशील तिजगीत ‘आमा दिदीबहिनी’ सार्वजनिक गरेको छ ।
रक्तिमका केन्द्रीय अध्यक्ष गिरिप्रसाद बुढाको उपस्थितिमा २०८२ साउन १६ गते शुक्रबार भर्चुअल माध्यमबाट सो गीत सार्वजनिक गरिएको हो ।
प्रमुख अतिथि बुढाले विमोचन गर्नुभएको सो गीतको समीक्षा अखिल नेपाल प्रगतिशील लेखक सङ्घ (अन्पा) का अध्यक्ष समीर सिंहले गर्नुभएको थियो ।
सो अवसरमा रक्तिमका महासचिव हेमराज आश्रम, राष्ट्रिय जनमोर्चाका केन्द्रीय सदस्यहरू डम्मर पुरी र राजेन्द्र ढुङ्गाना, गीतमा स्वर दिनुभएकी रक्तिमकी केन्द्रीय सल्लाहकार देवी शर्मा, नेकपा (मसाल) चितवनका प्रवक्ता भविश्वर शर्मा, मूल प्रवाह अखिल भारत नेपाली एकता समाजका अध्यक्ष प्रेम पौडेल, युएई नेपाली एकता समाजका अध्यक्ष अर्जुनप्रसाद उपाध्याय, राजमो चितवन जिल्ला अध्यक्ष अमरबहादुर क्षेत्री, अन्तर्राष्ट्रिय नेपाली एकता समाजका कोषाध्यक्ष खुम रायमाझी, मूल प्रवाहका कोषाध्यक्ष मदन शर्मा, रक्तिम अभियान जापानका कोषाध्यक्ष नवीन बस्यालको आतिथ्य रहेको थियो ।
कार्यक्रमको सञ्चालन रक्तिमका कृष्ण केसीले, अध्यक्षता रक्तिमकै केन्द्रीय उपाध्यक्ष तथा चितवन जिल्ला अध्यक्ष मोहराज चालिसेले र स्वागत रक्तिम चितवनका सचिव टिकाराम सुवेदीले गर्नुभएको थियो ।
गीतको शब्द गिरिप्रसाद बुढाको, म्युजिक एरेन्ज हेमराज आश्रमको रहेको छ ।
