दाजु– अहिलेको तिजमा पनि आउन पाइन घर
के छ बहिनी भन तिम्रो हाल खबर ।

बहिनी– दिनभरी दाउरा घाँस अनि मेला पातमा
बाँचेकै छु हजुरको आर्शीवादमा ।

दाजु– म प्रदेश भएपनि तीजमा माईत जानु है
बा आमा छन् घरमा दर खानु है ।

बहिनी– बुढो मेरा परदेसी एकलै छु घरमा
आफै भन्नु मेरो दाजै कसो गरौंम ।

दाजु– बाबा आमा बस्ने छन् तिम्रो बाटो हेरेर
एक कोलाई गै दिनु गाडी चढेर ।

बहिनी– जानलाई त नभएको होइन दाजु माईत जाने मन
गाई बाख्रा भैँसी सबै भोकै मर्छन् ।

दाजु– बुढाबुढी बाबा आमा डाँडामाका जून झै
नपरोस है मेरो बहिनी उनलाई रून लै ।

बहिनी– तीज त मा मेरो दाजु म जान नपाउँला
दशैँमा घर आउनु संगै मनाउँला ।

दाजु– यहि मनाउँछौँ तीज अनि दशैं र तिहार
मूल प्रवाह नै बनेको छ हाम्रो परिवार।

बहिनी– मूल प्रवाहले गरेको छ, धेरै नै राम्रो काम
मेरो पनि संगठनलाई लालसलाम ।