काठमाडौँ । माधवकुमार नेपाल नेतृत्वको नेकपा (एकीकृत समाजवादी) र वामदेव गौतम नेतृत्वको नेकपा (एकता राष्ट्रिय अभियान) माझ एकता भएको छ ।

२०८२ साउन २ गते शुक्रबार राष्ट्रिय सभागृहमा समारोह आयोजना गरी उनीहरूमा एकताको घोषणा भएको हो ।

समारोहमा राष्ट्रिय अभियानका अध्यक्ष गौतमले एकीकृत समाजवादीमा समाहित भएको घोषणा गरेका थिए । एकता घोषणापछि दुई नेता–माधव नेपाल र बामदेव गौतम अँगालोमा बेरिएका थिए ।

एकीकृत समाजवादीसित एकता हुँदा आफू ज्यादै खुसी भएको गौतमको भनाइ थियो । पार्टी कार्यालय स्वयम्भूबाट एकीकृत पार्टीको कार्यालयसम्म आउन चार वर्ष लागेको अभिव्यक्ति उनले दिएका थिए ।

गौतमले एकीकृत समाजवादीमा प्रवेश गरेको घोषणा गर्दा उपस्थित नेताकार्यकर्ता निकै उत्साहित देखिएका थिए ।