बेइजिङ । वासिङटन र बेइजिङले एकअर्कामाथिको कर घटाउने सम्भावित सम्झौतामा सहमति जनाएपछि चीनको निर्यात जुनमा अपेक्षा गरिएभन्दा बढेको चीनको सरकारी तथ्याङ्कले सोमबार देखाएको छ ।
चीनको सामान्य कर प्रशासनको तथ्याङ्कअनुसार निर्यात अघिल्लो वर्षको सोही महिनाको तुलनामा ५.८ प्रतिशतले बढेको छ । यो अर्थशास्त्रीले ब्लुमबर्ग सर्वेक्षणमा गरेको पाँच प्रतिशतको पूर्वानुमानभन्दा बढी हो ।
यो अवधिमा अमेरिकातर्फको आयात १.१ प्रतिशतले बढेको छ, जुन अघिल्लो वर्षको जुन महिनाको भन्दा ०.३ प्रतिशतले बढी हो र यो वर्ष देखिएको पहिलो वृद्धि हो ।
पछिल्लो समय सुस्त बनेको चिनियाँ अर्थतन्त्रको लागि सुधारको आधारविन्दु मानिएको चीनको निर्यात सन् २०२४ देखिको सबैभन्दा उच्च बिन्दुमा पुगेको छ ।
अमेरिकी राष्ट्रपति डोनाल्ड ट्रम्पको व्यापक करवृद्धिका कारण अमेरिकासँगको व्यापारयुद्धका कारण आर्थिक वृद्धिलाई निरन्तरता दिने बेइजिङको प्रयास प्रभावित भएको छ यद्यपि गत महिना लन्डनमा भएको वार्तामा दुई देशबिचको विवादलाई कम गरिएको थियो ।
सोमबारको भन्सार तथ्याङ्कअनुसार जुनमा अमेरिकामा चिनियाँ निर्यातमा ३२.४ प्रतिशतले वृद्धि भएको छ, जुन अघिल्लो महिना घटेको थियो । (रासस/एएफपी)
