कावासोती । नवलपुरमा अखिल नेपाल राष्ट्रिय व्यापार सङ्घको जिल्ला सम्पर्क समिति गठन भएको छ ।

केन्द्रीय अध्यक्ष ढाकाराम पौडेलको प्रमुख आतिथ्यमा २०८२ असार २१ गते शनिबार सम्पन्न भेलाले सो समिति गठन गरेको हो ।

समितिको संयोजकमा दयाराम पौडेल तथा सदस्यमा रूपनारायण महतो, धनबहादुर लुङ्गेली, टङ्क पौडेल र सूर्य छन्त्याल रहनुभएको छ ।

समितिको पहिलो बैठकले आगामी असोज ४ गते सङ्घको जिल्ला भेला गर्ने निर्णय भएको बताइएको छ ।

भेलामा अखिल नेपाल किसान महासङ्घ (अप्फा) का महासचिव तुलसी सापकोटा, अखिल नेपाल ट्रेड युनियन महासङ्घ (अन्टुक) का महासचिव शालिकराम सापकोटा, राष्ट्रिय जनमोर्चाका केन्द्रीय सदस्य राजेन्द्र ढुङ्गाना, नेकपा (मसाल) नवलपुरका प्रवक्ता चन्द्र सापकोटालगायतका अतिथिको आतिथ्य रहेको थियो ।