काठमाडौँ । राष्ट्रिय परीक्षा बोर्डले यस वर्ष २०८१ को माध्यमिक शिक्षा परीक्षा (एसइई) को नतिजा सार्वजनिक गरेको छ ।
२०८२ असार १३ गते शुक्रबार साँझ बसेको बोर्डको बैठकले कक्षा १० को माध्यमिक शिक्षा परीक्षा (एसइई) को नतिजा सार्वजनिक गरेको हो ।
एसइईको नतिजामा ६१.८१ प्रतिशत ग्रेडेड भएको बोर्डले जनाएको छ ।
नियमित परीक्षामा सहभागी भएका चार लाख ३८ हजार आठ सय ९६ परीक्षार्थीमध्ये ३.६ देखि ४ जी.पी.ए. ४८ हजार एक हजार ७७, ३.२ देखि ३.६ जी.पी.ए. सम्म ८१ हजार तीन हजार ५५, २.८ देखि ३.२ जी.पी.ए. सम्म ९९ हजार १२४ जना, २.४ देखि २.८ जी.पी.ए. सम्म ४८ हजार चार सय ७९, २ देखि २.४ सम्म ल्याउने चार हजार एक सय २६ जना, १.६ देखि २ जी.पीए. सम्म आठ जना छन् ।
परीक्षामा नियमिततर्फ चार लाख ३१ हजार चार सय ६६ र ग्रेडवृद्धितर्फ ६७ हजार सात सय १५ गरी जम्मा चार लाख ९९ हजार एक सय ८३ विद्यार्थी सहभागी भएका थिए ।
माध्यमिक शिक्षा परीक्षा (एसइई) मा ननग्रेड भएका विद्यार्थीहरूले साउनको २९ गतेदेखि मौका परीक्षा दिन पाउने भएका छन् ।
परीक्षा बोर्डले यस वर्षको एसइईको नतिजा सार्वजनिक गर्दै ननग्रेडेड विद्यार्थीहरूले २९ साउनदेखि मौका परीक्षा दिन पाउने जनाएको हो ।
बोर्डका अनुसार १२६ जना परीक्षार्थीको परीक्षा भने रद्द भएको छ ।
२०८१ को एसइई परीक्षा ७ चैतदेखि सञ्चालन भएको थियो ।
