खिमराज चालिसे, चन्डिगढ ।
भारतको हरियाणा राज्यको अम्बालामा ट्रेनको चपेटामा आएर ७४ वर्षीय लालबहादुर नेपालीको निधन भएको छ ।

जुन ४, २०२५ का दिन सो दुखद घटना भएको हो ।

अम्बालास्थित बलदेबनगर फाटकमा रेलको चपेटामा आएका नेपाली मूल प्रवाहलाई सहयोग गरिरहने सक्रिय सदस्य एवम् भारतीय प्रहरीबाट सेवानिवृत भएको बताइएको छ ।

मृतक नेपालीका स्मरणमा जुन ६ का दिन मूल प्रवाह अखिल भारत नेपाली एकता समाज अम्बाला नगर समितिले शोकसभा सम्पन्न गरेको थियो ।

दाहसंस्कारलगत्तै सम्पन्न शोकसभा कमल सुवेदीको अध्यक्षता एवम् प्रेम रसाइलीको सञ्चालनमा अगाडि बढेको थियो ।

प्युठान जिल्लाको मल्लरानी गाउपालिका वडा नम्बर ४ सारिबाङ निवासी दिवङ्गत चित्रबहादुर नेपालीको छोरा मृतक लालबहादुर जागिरबाट सेवानिवृत भएपछि श्रीमती बिमा नेपालीसँग अम्बालामा बस्दै आइरहेका थिए ।