वीरेन्द्रनगर । अखिल नेपाल किसान महासङ्घ (अप्फा) कर्णाली प्रदेशको प्रथम भेला सम्पन्न भएको छ ।
महासचिव तुलसीराम सापकोटाको प्रमुख आतिथ्यमा २०८२ जेठ २० गते मङ्गलबार सुर्खेतको सदरमुकाम वीरेन्द्रनगरमा सो कार्यक्रम सम्पन्न भएको हो ।
राष्ट्रिय जनमोर्चा सुर्खेतको सभाहलमा सम्पन्न सो कार्यक्रमको उद्घाटन महासचिव सापकोटाले गर्नुभएको थियो ।
भेलाले हेमराज शर्मा संयोजक रहनुभएको सात सदस्यीय अप्फाको प्रदेश तदर्थ समिति गठन गरेको छ ।
समितिको सदस्यमा प्रेमबहादुर ठाडा, चन्द्रप्रसाद प्याकुरेल, जङ्गदेव शाही, धर्मराज उपाध्याय, कृष्ण केसी, सुर्जकन्य बराल तथा वैकल्पिक सदस्यमा पूर्णबहादुर बिसी र तुलबहादुर खत्री रहनुभएको छ ।
कार्यक्रममा राजमो केन्द्रीय उपाध्यक्ष जनकराज शर्मा, केन्द्रीय सदस्य रत्नविक्रम रानाप्यासी, कर्णाली प्रदेश समितिका अध्यक्ष पूर्णबहादुर शाही, अखिल नेपाल ट्रेड युनियन महासङ्घ (अन्टुक) का केन्द्रीय सदस्य हीरालाल नेपाली, अप्फाका सुर्खेत जिल्ला अध्यक्ष प्रेमबहादुर ठाडा, राजमो सुर्खेतका अध्यक्ष गोविन्दप्रसाद सुवेदी, सचिव विष्णुप्रसाद शर्मा, राजमो कालीकोटका सल्लाहकार अजय गिरीलगायतको उपस्थिति रहेको थियो ।
कार्यक्रमको सञ्चालन हेमराज शर्माले, स्वागत नरबहादुर सिंहले र अध्यक्षता थानेश्वर तिवारीले गर्नुभएको थियो ।
