तौलिहवा । कपिलवस्तुमा अठारौँ गणतन्त्र दिवसको कार्यक्रम सम्पन्न भएको छ ।
२०८२ जेठ १५ गते बिहीबार कोपवामा सो कार्यक्रम सम्पन्न भएको हो ।
कार्यक्रममा मन्तव्य राख्दै नेकपा (मसाल) कपिलवस्तुका प्रवक्ता माधव भाटक्षेत्रीले गणतन्त्रमाथि अहिले गम्भीर खतरा आइपरेको बताउनुभयो ।
नेपाली जनताले २०६२–६३ सालको महान् जनआन्दोलनबाट गणतन्त्र ल्याएको बताउँदै त्यसको रक्षाका लागि त्यसका पक्षधर शक्तिहरू एकजुट हुनुको विकल्प नभएको उहाँको धारणा थियो ।
योभन्दा अझै उच्च प्रकारको व्यवस्था स्थापनाका लागि आधार तयार नहुँदासम्म निरङ्कुश राजतन्त्रको विकल्पमा गणतन्त्रलाई संस्थागन गर्नु नै सही विकल्प भएको उहाँको थप भनाइ थियो ।
कार्यक्रमको अध्यक्ष राष्ट्रिय जनमोर्चा कपिलवस्तुका अध्यक्ष रामप्रसाद बेलबासेले तथा सञ्चालन अखिल नेपाल बुद्धिजीवी सङ्घ कपिलवस्तुका अध्यक्ष शशि सापकोटाले गर्नुभएको थियो ।
