दिनेश रैदास, दाङ ।
राष्ट्रिय जनमोर्चाका केन्द्रीय सदस्य तथा दाङ जिल्ला अध्यक्ष गणेश आचार्यले गणतन्त्र जोगाउन सम्पूर्ण गणतन्त्र पक्षधर शक्ति एकजुट हुनुपर्ने आवश्यकतामा जोड दिनुभएको छ ।
२०८२ जेठ १५ गते बिहीबार अठारौँ गणतन्त्र दिवसको अवसरमा घोराहीको सहिदगेटमा आयोजित सभालाई सम्बोधन गर्दै उहाँले यस्तो अभिव्यक्ति दिनुभएको हो ।
यतिखेर गणतन्त्रमाथि प्रतिगामी शक्तिको हमला तीव्र रूपमा बढिरहेको बताउँदै उहाँले सबै प्रगतिशील शक्तिलाई सचेत र सङ्गठित भएर अघि बढ्न आह्वान गर्नुभयो।
राजमो दाङकी सहसचिव कृष्णा रानाले जनताको बलिदानीबाट प्राप्त यो व्यवस्था जोगाउन सबै सचेत नागरिकले भूमिका खेल्नुपर्ने बताउनुभयो ।
अखिल (छैठौं) दाङका अध्यक्ष सेवक भट्टराईले राजावादीले भारतबाट मान्छे भित्राएर प्रदर्शन गरिरहेको आरोप लगाउनुभयो ।
कार्यक्रमको सञ्चालन राजमो घोराही नगर अध्यक्ष मनिराम खनालले गर्नुभएको थियो ।
