दाङ । राष्ट्रिय जनमोर्चाका केन्द्रीय सदस्य तथा दाङ जिल्ला अध्यक्ष गणेश आचार्यले गणतन्त्रको विकल्प राजतन्त्र नभएर जनगणतन्त्र, नयाँ जनवाद र समाजवाद भएको धारणा व्यक्त गर्नुभउको छ ।
राजमो दाङ जिल्ला समितिको आयोजनामा २०८२ वैशाख २६ गते शुक्रबार बबईको हापुरे, शान्तिनगरको जुम्लेकुला र दङ्गिशरणको बालापुरमा भएको कार्यक्रमलाइ सम्बोधन गर्दै उहाँले त्यो कुरा बताउनुभएको हो ।
राजावादीले वर्तमान गणतन्त्रको विकल्प राजतन्त्र भइरहेको दाबी गरिरहेका बेला नेता आचार्यले त्यो अभिव्यक्तिको खण्डन गर्नुभयो ।
उहाँले भन्नुभयो– ‘संसारलाई थाहा छ, राजतन्त्र आउटडेटेड व्यवस्था हो, यो व्यवस्थाले अग्रागामी चरित्र धारण गर्नु सम्भव छैन ।’
उहाँले नेपालमा दुई सय चालिस वर्षसम्म राजतन्त्र टेस्टेड भइसकेको व्यवस्थाले भएकाले कसैले पनि पानी धमिल्याउने दुष्प्रयास नगर्न चेतावनी दिनुभयो ।
कार्यक्रममा नेकपा (मसाल) दाङका प्रवक्ता भरत भण्डारी, अखिल नेपाल किसान महासङ्घ (अप्फा) दाङका अध्यक्ष ऋषिराम पौडेल र राजमो दाङका जिल्ला सदस्य ईश्वरी भण्डारीले मन्तव्य राख्नुभएको थियो ।
