सन्तोष सुनार, सन्धिखर्क ।
अखिल नेपाल ट्रेड युनियन महासङ्घ (अन्टुक) अर्घाखाँचीको आयोजनामा सदरमुकाम सन्धिखर्कमा मे दिवसको कार्यक्रम सम्पन्न भएको छ ।
अन्टुकका केन्द्रीय उपाध्यक्ष गोविन्द बिसीद्वारा ब्यानर वाचन गर्दै २०८२ वैशाख १८ गते बिहीबार सदरमुकाम सन्धिखर्कमा सो कार्यक्रम सम्पन्न भएको हो ।
कार्यक्रमलाई सम्बोधन गर्दै विभिन्न मजदुर सङ्गठनको छाता सङ्गठनको रूपमा अन्टुक रहेको दाबी गर्नुभयो ।
उहाँले मजदुरको सङ्घर्षले नै समाज उज्यालो दिशामा अगाडि बढ्ने पनि बताउनुभयो ।
राष्ट्रिय जनमोर्चा अर्घाखाँचीका अध्यक्ष थम्मन केसीले सम्बोधन गर्दै कुनै पनि राजनीतिक दल सक्षम हुन मजदुरको ठुलो भूमिका रहेको धारणा व्यक्त गर्नुभयो ।
कार्यक्रममा विशिष्ट अतिथि अखिल नेपाल महिला सङ्घकी महासचिव सकुन्तला रानाका साथै राजमो लुम्बिनी प्रदेश समितिका सल्लाहकार शेरबहादुर बिसी र अन्टुकका प्रदेश सदस्य रामजी भट्टराईले पनि सम्बोधन गर्नुभएको थियो ।
त्यसैगरी कार्यक्रममा अखिल नेपाल जनजाति सम्मेलनका केन्द्रीय सचिव उषा पुन, महिला सङ्घकी केन्द्रीय उपाध्यक्ष कल्पना पोख्रेल, प्रगतिशील पत्रकार सङ्घका केन्द्रीय सचिव गोपालप्रसाद भट्टराई, अखिल नेपाल बुद्धिजीवी सङ्घ अर्घाखाँचीका अध्यक्ष कमल घिमिरे, लुम्बिनी प्रदेश सदस्य रामजी भट्टराई, राजमो अर्घाखाँचीका उपाध्यक्ष गोपाल पौडेल, जिल्ला सदस्य दिलदार हुसेन र कृष्ण सुनार, महिला सङ्घकी मिनु पोख्रेल, अन्टुकका जिल्ला सदस्य हस्तबहादुर पाण्डे, मजदुर सङ्घका भूपाल बिसी र प्रगतिशीलका सन्तोष सुनारलगायतको आतिथ्य रहेको थियो ।
इन्द्रमणि भुसालको अध्यक्षता, उषा बस्नेतको स्वागत र तुल्सीराम गैरेको सञ्चालनमा उक्त कार्यक्रम सम्पन्न भएको थियो ।
