रवि पौडेल ##

एउटा पार्टी छ देशमा
अन्याय, अत्याचार
शोषण, दमनको विरुद्धमा
गरिब सर्वहारा वर्गको
समानताको अधिकारका लागि
सधैँ लड्दै आइरहेको छ
एउटा पार्टी छ

हत्या, हिंसाले आतङ्कित भएको बेला
महँगीले सीमा नाघेको बेला
नडराई, नझुकी
डटेर विरोध गर्छ
स्वास्थ र शिक्षामा
आमूल परिवर्तन गर्न
सधैँ सल्लाह सुझाव दिंदै
अघि बढ्दैछ
एउटा पार्टी छ

कालापानी लुटिरहँदा
लिपुलेक र लिम्पियाधुरा अरूले नै
कब्जा जमाउँदा
देशको सीमा
एकहत्तर ठाउँमा
बैसट्ठी हजार हेक्टर
सीमा मिचिंदा
सडकदेखि सदनसम्म
अविरल सङघर्ष गर्दै
आएको छ
एउटा पार्टी छ

राष्ट्रघाती सन्धि सम्झौतादेखि
राष्ट्रघाती नागरिकता विधेयकसम्म
सङ्घीयतादेखि एमसिसीसम्म
खारेजीको माग गर्दै
अविरल सङ्घर्षमा छ
एउटा पार्टी छ

भूमाफिया, घुसखोर, तस्करीको
चङ्गुलमा फस्दै नफसेको
भ्रष्टाचारको मुद्दामा
कतै नमुछिएको
आफ्नो नीति सिद्धान्तमा कटिबद्ध
एउटा पार्टी छ

त्यो पार्टीले
पदेश घाँडो भएको हुँदा
आर्थिक सङकट परी
देश बर्बादीको दिशामा जाने देखेर
सङ्घीयता छिट्टै खारेज गर्ने
उद्घोष बोकेर अहिले
सङ्घीयता खारेजीको माग गर्दै
काठमाडौँकेन्द्रित आन्दोलन गर्दैछ

सही नीति भएको
एउटा पार्टी छ
नेकपा (मसाल)
त्यसको वैधानिक मोर्चा
राष्ट्रिय जनमोर्चा
सङ्घीयता खारेज गर्न अहिले ,
काठमाडौँकेन्द्रित आन्दोलनमा छ

देशको माया छ भने
सङ्घीयता खारेज गर्ने आन्दोलनलाई
सके उपस्थित भएर
नसके आर्थिक सहयोग गरेर
साथै सङ्घीयता खारेज लेखेर
ऐक्यबद्धता जनाऊँ
एउटा पार्टी छ
त्यसलाई सहयोग गरौँ