टेकराज भुसाल, बुटवल ।
अर्घाखाँची ढाकाबाङ–रुपन्देही सम्पर्क समाजले नयाँ वर्ष २०८२ सालको शुभकामना आदानप्रदानसँगै भित्तेपात्रो (क्यालेन्डर) विमोचन कार्यक्रम सम्पन्न गरेको छ ।
२०८१ चैत १६ गते शनिबार सो कार्यक्रम सम्पन्न भएको हो ।
भूमिकास्थान–रुपन्देही सम्पर्क समाजका अध्यक्ष लक्ष्मण बेलबासेले कार्यक्रमको उद्घाटन गर्दै छोटो समयमै थुप्रै रचनात्मक काम गर्न सफल भएकोमा समाजको प्रशंसा गर्नुभयो ।
कार्यक्रममा संस्थाका सल्लाहकार प्रेम प्रसाद पौडेल, नयाँगाउँ खानेपानी सरसफाइ तथा उपभोक्ता समिति बुटवल १२ र १३ का सहसचिव ढुण्डिराज खनाललगायतले बोल्दै समाजलाई सशक्त र सबै सदस्यको अपनत्व हुने खालको बनाउनुपर्नेमा जोड दिनुभएको थियो ।
समाजका अध्यक्ष कृष्णप्रसाद खनालले आफ्नो संस्थाको प्रगतिबारे जानकारी गराउनुभएको थियो ।
समाजले बिपत जोखिम कोष स्थापना गरेको र उक्त कोषमा संस्थाका अग्रज तथा नयाँगाउँ खानेपानी संस्थाका सहसचिव दुण्डीराज खनालले १० हजार रुपैयाँ जम्मा गरेको जानकारी दिइएको थियो ।
अध्यक्ष कृष्णप्रसाद खनालको अध्यक्षता, कार्यवाहक सचिव टेकराज भुसालको सञ्चालन तथा उपाध्यक्ष युवराज खनालको स्वागत मन्तव्यमा अघि बढेको सो कार्यक्रममा गत फागुन २४ गते सम्पन्न नयाँगाउँ खानेपानी उपभोक्ता तथा सरसफाइ संस्थाको निर्वाचनमा संस्थाका अग्रज सदस्यहरू ढुण्डिराज खनाल सहसचिव तथा घनश्याम पौडेल, अन्जना खनाल (पौडेल) र मीना खनाल (आचार्य) सदस्यमा निर्वाचित भएकोमा समाजले सम्मानपत्र प्रदान गरेको थियो।
कार्यक्रममा सामूहिक रूपमा नयाँ वर्ष २०८२ को क्यालेन्डर विमोचन गरिएको थियो ।
