शिव पन्थी, खलङ्गा ।
प्युठान जिल्लाको स्वर्गद्वारी नगरपालिका वडा नं. ६ तिमिलेमा राष्ट्रिय जनमोर्चाको टोल भेला सम्पन्न भएको छ ।
राजमो स्वर्गद्वारी नगर समितिका अध्यक्ष गिरबहादुर गुरुङको प्रमुख आतिथ्यमा २०८१ चैत १४ गते बिहीबारका दिन सो कार्यक्रम सम्पन्न भएको हो ।
कार्यक्रममा मन्तव्य राख्दै प्रमुख अतिथि गुरुङले नेपालको सन्दर्भमा सङ्घीयता घातक प्रणाली भएको बताउनुभयो ।
उहाँले राजमोले आयोजना गरेको चैत २४ देखि ३० गतेको राजधानीकेन्द्रित आन्दोलनलाई सफल पार्न आह्वान पनि गर्नुभयो ।
भेलाले मोतीराम घर्तीमगर अध्यक्ष रहनुभएको नौ सदस्यीय राजमोको टोल समिति गठन गरेको छ ।
समितिको उपाध्यक्षमा नरतम घर्तीमगर, सचिवमा कमल घर्तीमगर, कोषाध्यक्षमा कमला घर्तीमगर तथा सदस्यमा कुन्ती घर्तीमगर, तोयराम घर्तीमगर, शिवलाल घर्तीमगर, बलबहादुर घर्तीमगर र ओबिराम घर्तीमगर रहनुभएको छ ।
भेलाले देवेन्द्र घर्तीमगर, धुनबहादुर घर्तीमगर, पुनी घर्तीमगर र नमी घर्तीमगरलाई सल्लाहकारमा चयन गरेको छ ।
भेलाको अध्यक्षता मोतीराम घर्तीमगरले र सञ्चालन देवेन्द्र घर्तीमगरले गर्नुभएको थियो ।
