पुर्तिघाटबजार (गुल्मी) । गुल्मी जिल्ला कालीगण्डकी गाउँपालिका वडा नं. ६ मा सङ्घीयता विरुद्ध भेला तथा समिति गठन कार्य सम्पन्न भएको छ ।
राजमो केन्द्रीय सदस्य तथा गुल्मी जिल्ला अध्यक्ष रामकुमार क्षेत्रीको प्रमुख आतिथ्यमा २०८१ माघ १७ गते बिहीबार देउरालीमा सो कार्यक्रम सम्पन्न भएको हो ।
सो अवसरमा मन्तव्य राख्दै प्रमुख अतिथि क्षेत्रीले राजमोले चैत २४ देखि ३० गतेसम्म सङ्घीयता खारेजीका लागि काठमाडौँकेन्द्रित आन्दोलन आयोजना गरेकोमा त्यसमा सहभागिताका लागि अपिल गर्नुभयो ।
कार्यक्रम तुलसीराम ढकालको अध्यक्षता तथा घनश्याम ढकालको सञ्चालनमा अघि बढेको थियो ।
भेलालाई राजमो केन्द्रीय सदस्य तथा ६ नं. वडाअध्यक्ष पूर्णबहादुर थापा र अखिल नेपाल शिक्षक सङ्घ गुल्मीका उपाध्यक्ष कृष्ण ढकालले शुभकामना दिनुभएको थियो ।
अध्यक्षमा ढकाल
भेलाले घनश्याम ढकाल अध्यक्ष रहनुभएको राजमोको ६ नं. वडासमिति गठन गरेको छ ।
समितिको उपाध्यक्षमा तुलसिराम ढकाल, सचिवमा चित्रबहादुर थापा, सहसचिव भूमिश्वर नेपाली र कोषाध्यक्षमा सरस्वती थापा रहनुभएको छ ।
त्यस्तै, सदस्यमा मेघनाथ ढकाल, हरिकला थापा, खगिसरा थापा, बलराम गौतम, टीकाराम थापा, कृष्णा थापाक्षत्री, राजु थापा, पतिराम थापा, देउमाया थापा, होमबहादुर परियार, दलबहादुर थापा, बलबहादुर थापा, दिलबहादुर थापा र यमकला ढकाल रहनुभएको छ ।
वैकल्पिक सदस्यमा शक्ति परियार, लक्ष्मी ढकाल, चन्द्रबहादुर लामिछाने, पदम थापा, खेमबहादुर थापा र होमबहादुर परियार रहनुभएको छ ।
भेलाले भीमबहादुर थापा, पूर्णबहादुर थापा (बी), रनबहादुर थापा, बलबहादुर थापा, देविदत्त ढकाल र डोलबहादुर थापालाई सल्लाहकारमा चयन गरेको छ ।
