शान्तिपुर (गुल्मी) । गुल्मीको चन्द्रकोट गाउँपालिकामा राष्ट्रिय जनमोर्चाको गाउँसमिति गठन भएको छ ।
राजमो केन्द्रीय सदस्य तथा गुल्मी जिल्ला अध्यक्ष रामकुमार क्षेत्रीको प्रमुख आतिथ्यमा २०८१ माघ १० गते बिहीबार सम्पन्न भेलाले सो समिति गठन गरेको हो ।
समितिको अध्यक्षमा चित्रबहादुर केसी, उपाध्यक्षमा भीम बस्याल, सचिवमा चन्द्रबहादुर थापा, सहसचिवमा झरना पुन र कोषाध्यक्षमा कल्पना घर्ती रहनुभएको छ ।
त्यस्तै, समितिको सदस्यमा बिस्नु रिजाल, जनक श्रीस, वैकल्पिक सदस्य कृष्णा श्रीस काउचा, मैना विक र सुमन गुरुङ रहनुभएको छ ।
भेलाको अध्यक्षता बिस्नु रिजालले, सञ्चालन चित्रबहादुर केसीले र स्वागत चन्द्रबहादुर थापाले गर्नुभएको थियो ।
भेलाले सङ्घीयता विरुद्ध आगामी चैत २४ देखि ३० गतेसम्म आयोजित काठमाडौँकेन्द्रित आन्दोलनलाई नैतिक, भौतिक र आर्थिक सहयोग गर्ने, त्यसका लागि पालिकाव्यापी प्रचारप्रसारस्वरूप कोणसभा, जनभेटघाटलगायतका कार्यक्रम सम्पन्न गर्ने योजना बनाएको जानकारी दिइएको उल्लेख छ ।
