कृष्ण केसी, भरतपुर ।
राष्ट्रिय जनमोर्चाका केन्द्रीय सदस्य राजेन्द्र ढुङ्गानाकी आमा पार्वती ढुङ्गानाको स्मृतिमा श्रद्धाञ्जली कार्यक्रम सम्पन्न भएको छ ।
२०८१ माघ ६ गते आइतबार उहाँको निधन भएको छैटौँ दिन चितवनमा सो कार्यक्रम सम्पन्न भएको हो ।
राजमो चितवनका अध्यक्ष अमर क्षेत्रीको अध्यक्षता तथा सचिव पदमप्रसाद वाग्लेको सञ्चालनमा उक्त कार्यक्रम अघि बढेको थियो ।
राजमो केन्द्रीय सदस्य डम्मर पुरी र भगिरथ भट्टराई, राजमो नेता नेता कृष्ण अधिकारी, अखिल नेपाल ट्रेड युनियन महासङ्घ (अन्टुक) का महासचिव शालिकराम सापकोटा, रक्तिम सांस्कृतिक अभियानका उपाध्यक्ष मोहराज चालिसे, रक्तिमकै केन्द्रीय सल्लाहकार देवी शर्मा, नेकपा (मसाल) चितवनका प्रवक्ता भविश्वर शर्मा, अखिल नेपाल महिला सङ्घ चितवनकी अध्यक्ष बालकुमारी आचार्यललगायत राजमो चितवन र नवलपुरका नेताकार्यकर्ताको व्यापक उपस्थिति रहेको थियो ।
कार्यक्रममा स्मृतिशेष पार्वतीको फोटोमा पुष्पगुच्छा अर्पण गर्दै समवेदना पत्र वाचन गरिएको थियो ।
