दिनेश रैदास, दाङ ।
दाङको राप्ती–३ बसन्तपुर विपी आधारभूत विधालयमा अध्ययनरत् अति बिपन्न २० जना विद्यार्थीहरूलाइ न्यानो कपडा वितरण गरिएको छ ।

राष्ट्रिय जनमोर्चा दाङका अध्यक्ष गणेश आचार्यसहित राजमो जिल्ला सदस्य तथा राप्ती–४ का अध्यक्ष वीरबहादुर चौधरी, राजमो जिल्ला सदस्य तथा राप्ती गापा कार्यपालिका सदस्य चम्फा भुसालले विद्यालय पुगेर २०८१ पुस २८ गते आइतबार न्यानो कपडा वितरण गर्नुभएको हो ।

कपडा सङ्कलनमा आचार्यका साथै अखिल नेपाल कानुन व्यवसायी सङ्घका केन्द्रीय सदस्य कृष्ण आचार्य, राजमो दाङका जिल्ला सदस्य मेघराज भट्टराई, अखिल (छैठौं) दाङका सचिव दिनेश रैदास, उद्योगी चन्द्रमणि गैरे, फ्यान्सी व्यवसायी अनिल श्रेष्ठ, अर्जुन केसीलगायतले सहयोग गर्नुभएको थियो ।