गल्कोट रिष्मी (बागलुङ) ।
अखिल (छैठौं) बागलुङको दोस्रो जिल्ला भेला २०८१ पुस १९ गते शुक्रबार गलकोटको रिष्मीमा सम्पन्न भएको छ ।
युनियनका पूर्व महासचिव तथा राष्ट्रिय जनमोर्चा बागलुङका सचिव भीमलाल पोखरेलको प्रमुख आतिथ्यमा सो भेला सम्पन्न भएको हो ।
प्रमुख अतिथि पोखरेलले उद्घाटन गर्नुभएको सो भेलामा विशिष्ट अतिथि राजमो केन्द्रीय सदस्य बेदीलाल सापकोटा हुनुहुन्थ्यो ।
कार्यक्रममा प्रमुख अतिथि, विशिष्ट अतिथिका साथै राजमो बागलुङका अध्यक्ष तिलक थापा, जिल्ला सल्लाहकार टङ्क केसी, अखिल नेपाल शिक्षक सङ्घ बागलुङका अध्यक्ष मित्र ढकाल, अखिल (छैठौं) का केन्द्रीय सचिवालय सदस्य बिमल खरेल, अखिल नेपाल युवक सङ्घ बागलुङका अध्यक्ष वीरेन्द्र थापा, जातीय समता समाज बागलुङका सदस्य रनबहादुर विक, राजमो बडिगाडका सचिव बिमलकुमार श्रीसलगायतको अतिथिले शुभकामना मन्तव्य राख्नुभएको थियो ।
भेलाले बिमल खरेल (ढोरपाटन) अध्यक्ष रहनुभएको १३ सदस्यीय अखिल (छैठौं) को बागलुङ जिल्ला समिति चयन गरेको छ ।
समितिको उपाध्यक्षमा रेखा शर्मा (जैमिनी), सचिवमा कर्ण नेपाली (बडिगाड), सहसचिवमा बिन्दु थापा (बरेङ) र कोषाध्यक्षमा भावना दर्लामी (बडिगाड) रहनुभएको छ ।
त्यस्तै, सदस्यमा विशाल रेग्मी (निसीखोला), विजय गौतम (गलकोट), दीपेश विक (काठेखोला), सन्देश पौडेल (बरेङ), सुदीप केसी (जैमिनी), सल्जिन क्षेत्री (ढोरपाटन), हीरा रुचाल (गलकोट) तथा सदस्यमा एक स्थान रिक्त राखिएको छ ।
भेला निवर्तमान जिल्ला अध्यक्ष गणेश सापकोटाको अध्यक्षता, सचिव कर्ण नेपालीको सञ्चालन र उपाध्यक्ष रेखा शर्माको स्वागत मन्तव्यसँगै सम्पन्न भएको थियो ।
