काठमाडौँ । राष्ट्रपति रामचन्द्र पौडेलले आज पुस ८ गते विभिन्न देशका लागि नवनियुक्त राजदूतलाई पद तथा गोपनीयताको शपथ गराउनुभएको छ ।
Advertisement
राष्ट्रपति कार्यालयमा आयोजित एक समारोहमा रुसी महासङ्घका लागि नवनियुक्त राजदूत जङ्गबहादुर चौहान, बेलायतका राजदूत चन्द्रकुमार घिमिरे, स्पेनका राजदूत शनिल नेपाल, गणतन्त्र कोरियाका राजदूत डा. शिवमाया तुम्बाहाङ्फे र भारतका राजदूत डा. शङ्करप्रसाद शर्माले राष्ट्रपतिसमक्ष पद तथा गोपनीयताको शपथ ग्रहण गर्नुभएको राष्ट्रपति कार्यालयले जनाएको छ ।
कार्यक्रममा नेपाल सरकारका उच्च पदस्थ अधिकारीको समेत उपस्थिति रहेको थियो ।
