दिनेस रैदास (दाङ) ।
तुलसीपुर उपमहानगर पालिका वडा नं. ७ गौरादेवी टोलमा राजमोकोे टोल समिति गठन भएको छ ।
राष्ट्रिय जनमोर्चा केन्द्रीय सदस्य तथा दाङ जिल्ला अध्यक्ष गणेश आचार्यको उपस्थितिमा २०८१ पुस ३ गते बुधबारका दिन सो समिति गठन भएको हो ।
हामीले सङ्घीयता विरुद्ध सङ्गठनात्मक अभियान अन्तरगत आम रुपमा जनतालाई जागरुक र सचेत बनाउन चाहन्छौँ आचार्यको भनाई थियो ।
उहाँले, सङ्घीयतालाई खारेज गरेपछि देशको राष्ट्रियता, सार्वभौमिकता र अखण्डताका साथै देशको विकासमा समेत मदत पुग्ने बताउँनुभयो ।
आचार्यले, मुलुकलाई दीर्घकालीन अप्ठ्याराबाट जोगाउनु सबैको कर्तव्य रहेको भन्दै सङ्घीयता देशको समृद्धिको आधार नभइ आर्थिक हिसावले बोझिलो र विकृतिको पर्याय बन्न पुगेको उल्लेख गर्नुभएको थियो ।
त्यस्तै उहाँले सङ्घीयता विरुद्धकोे राजधानी केन्द्रित आन्दोलनलाई सफल पार्नका लागि सहयोग र समर्थन गर्न पार्टीले सम्पूर्ण नेपाली जनतासित आह्रवान गरेको समेत बताउँनु भयो ।
केदार गोराथोकीकोे अध्यक्षतामा १९ सदस्यीय टोल समिति गठन भएको छ ।
उपाध्यक्ष विनाराम पोख्रेल, सचिव गणेश केसी, कोसाध्यक्ष विष्णा रिजाल चयन हुनु भएको छ भने सदस्यमा गिरबहादुर जिसी, दोमन्ता सुबेदी, कान्ता सुबेदी, शारदा केसी, सीता जिसी, पदम केसी, हरिकला भण्डारी, पवित्रा रिजाल, सुमित्रा पोखरेल, दोमन्ता गोराथोकी, कमला पन्थी, कृष्ण पोख्रेल, जमुना रिजाल, राधा भण्डारी र रुकुमप्रसाद भण्डारी रहनु भएको छ ।
कार्यक्रममा राजमो दाङ जिल्ला सचिवालय सदस्य शुक्रराज भण्डारी, अखिल नेपाल युवक सङ्घ तुलसीपुर नगर अध्यक्ष विजय सुवेदी, अखिल नेपाल महिला सङ्घकी निमा रेग्मी, रुकुमप्रसाद भण्डारीलगायतले मन्तव्य राख्नुभएको थियो।
केदार गोराथोकिको अध्यक्षता, विनाराम भण्डारीकोे स्वागत मन्तव्यबाट शुरु भएको कार्यक्रमको सञ्चालन जनक भण्डारीले गर्नुभएको थियो ।
