काठमाडौं । नेपाल कम्युनिस्ट पार्टी (मसाल) ले नवलपुर जिल्लाको गैँडाकोट–२ निवासी अगम्बर पाठक (का. उमेश) प्रति श्रद्धाञ्जली अर्पण गरेको छ ।
पार्टीका सदस्य पाठकको यही मंसिर ८ गते निधन भएको थियो ।
महामन्त्री मोहनविक्रम सिंहले सोमबार प्रेसित गर्नुभएको शोक वक्तव्यमा ‘उहाँको मृत्युबाट हाम्रो पार्टीको आन्दोलनमा गम्भीर क्षति भएको’ उल्लेख गर्नुभएको छ ।
शोक वक्तव्यमा भनिएको छ,
नवलपुर जिल्ला गैँडाकोट–२ निवासी कामरेड अगम्बर पाठक (का. उमेश) को २०८१ मंसिर ०८ गते मृत्यु भएको छ । उहाँको मृत्युप्रति गम्भीर दुःख व्यक्त गर्दै सन्तप्त परिवारजनप्रति हार्दिक समवेदना प्रकट गर्दछौँ ।
कामरेड अगम्बर पाठक हाम्रो पार्टीको इमान्दार, कर्तव्यनिष्ठ र अनुशासित सदस्य हुनुहुन्थ्यो । उहाँले पार्टी र जनवर्गीय मोर्चाका विभिन्न समितिमा रहेर जिम्मेवारी पूरा गर्नुभएको थियो । उहाँको मृत्युबाट हाम्रो पार्टीको आन्दोलनमा गम्भीर क्षति भएको छ ।
अन्तमा हामीले उहाँप्रति हार्दिक श्रद्धाञ्जली व्यक्त गर्दछौँ ।
२०८१ मंसीर १० गते ।
मोहनविक्रम सिंह
महामन्त्री
